Ek verneem van die afgelope Saterdag af is dit hoflikheidsweek in die
Wes-Kaap. As jy 'n bekende raakloop, dan is dit bv. korrek om te sê:
'Goeiemore!' Jy mag beslis nie sommer sê: 'Haai!' nie.
(Verklaring:www.pressreader.com/south-africa/beeld/20181029/2816682559
70508)
~~~~~~~~~~~~~~~~~~~
Van HermanH, uit Clean Laffs:
'n Vier-en-negentigjarige man van Indiana het pas die oudste persoon
geword om 'n swart gordel in taekwondo te verwerf. Terwyl niemand rêrig
die hart het om hom te sê dat die plank wat hy stukkend geslaan het
eintlik 'n lang Ry Vita is nie. - Jimmy Fallon
* * *
Volgens 'n nuwe studie kom verslawing aan sjokoladebeskuitjies baie ooreen
met verslawing aan kokaien. En ek sê, dit is eintlik erg
vir jou. Soos, glo my, probeer bietjie 'n hele sjokoladeskyfie in jou neus
opdruk. - James Corden
~~~~~~~~~~~~~~~~~~~~
Nog sêgoed van Rita Rudner, uit brainyquote.com:
* Dit was nie net dat niemand my vir die matriekafskeid gevra het nie:
niemand wou my eens sê waar dit gehou sou word nie. - Rita Rudner
* Die meeste kalkoene smaak beter die dag ná die tyd. My ma s'n het beter
gesmaak die dag voor die tyd. - Rita Rudner
* Ek was 'n vegetariër totdat ek na die sonlig toe begin draai het.
- Rita Rudner
~~~~~~~~~~~~~~~~~~~~
Van FrancoisdP:
Dit is April en die Boesmans in die Kalahari vra hulle nuwe stamhoof of dit
hierdie winter matig of koud gaan wees. Omdat hy stamhoof is in meer
moderne tye, het hy nooit die ou geheime geleer nie. Wanneer hy die lug
bestudeer, kan hy nie voorspel hoe die winter gaan wees nie.
Nieteenstaande het hy besluit om dit veilig te speel en hy verklaar dat dit 'n
koue winter gaan wees en hulle moet begin brandhout bymekaar maak ter
voorbereiding. Hy is egter 'n praktiese man en na 'n paar dae kry hy 'n plan.
Hy stap na 'n publieke telefoon by die nasionale pad, skakel die weerburo en
vra, 'Gaan die komende winter koud wees in die Kalahari?' 'Ja dit lyk so.'
bevestig die een wat geantwoord het. Hy gaan terug na die stam en gee
instruksie dat hulle nog meer hout bymekaar moet maak. 'n Week later
skakel hy weer die weerburo. 'Lyk dit nog steeds na 'n baie koue winter?' vra
hy 'Ja, dit gaan baie koud wees.' Kom die antwoord. Hy gaan terug en
beveel hulle om elke stukkie hout wat hulle kan vind, op te tel. Na twee weke
skakel hy weer. 'Is julle heeltemal seker dat dit baie koud gaan wees?' vra hy
'Absoluut' kom die antwoord, 'dit lyk al hoe meer of dit een van die koudste
winters ooit gaan wees.' 'Wat maak julle so seker?' 'Ons satellietfoto's wys
die Boesmans maak kwaai hout bymekaar, en hulle is nooit verkeerd nie.'
~~~~~~~~~~~~~~~~~~~~~~~~~~~
Van ManuB, uit De Druivelaar:
'De Vandermissens? O, maar dat zijn vreemde lui: saai, vervelend, dom... En
hun dochters?! Hopeloos onhandig!' 'U schijnt ze wel heel goed te kennen?'
'O ja, we zijn al jarenlang intiem bevriend.'
* * *
(Afrikaners: bediende = verkoopspersoon; aangeworven = aangestel)
'Waar is uw bediende toch, mijnheer Pommade?' 'Ik heb hem gisteren
ontslagen! De lomperik had tegen een klant gezegd dat mijn haarlotion niet
deugt.' 'O, dat is verschrikkelijk! Iemand die je hebt aangeworven, moet op
zijn minst zijn mond kunnen houden over de bedrijfsgeheimen.'
~~~~~~~~~~~~~~~~~~~~~
Wyshede vir die week, oor ouerskap:
* Elkeen weet hoe om kinders groot te maak behalwe die mense wat
kinders kry. - P. J. O'Rourke
* Ouer mense gesels dikwels oor die jonger geslag asof hulle niks daarmee
te doen het nie. - Haim Ginott
* Kinders is nie gelukkig sonder iets om te ignoreer nie. Dis hoekom ouers
daar is. - Ogden Nash
------------------------
*** Ek benodig nog grappies vir Desember se uitgawes. Om met my te
korrespondeer, moenie net 'Reply' druk nie. Die adres sal dalk nie werk nie.
Skryf aan my by: griesel (by) regtewoord . co . za
*** Vir skoon humor in Afrikaans en Nederlands, teken in op Griesel se
Graplys! Gaan na http://skoongrappies.com. Jy kan op dieselfde plek jou ;
voorkeure verander en na vorige uitgawes van die grapkas kyk.
