Geldgrappies uit 1000Advices.com:
* Ek het net genoeg om my deur te sien totdat ek meer kry. - Bill Hoest
* Ek het genoeg geld om my te hou vir die res van my lewe, tensy ek iets
moet koop. - Jackie Mason
~~~~~~~~~~~~~~~~~~~~~~~~~~~~~~~~~
Oor diere:
Waaroor het die twee bulle gesels? Net oor koeitjies en kalfies.
* * *
Papegaai aan sielkundige: Ek het hierdie drang om alles te herhaal, alles
te herhaal...
* * *
'n Papegaai aan haar vriendin: Jammer Lucy, maar wat sy gesê het is van so
'n aard dat ek dit nie kan herhaal nie...
* * *
Papegaai aan sy eienaar: Stop my as jy hierdie een al gehoor het...
* * *
Papegaai aan eienaar: As ek vier grondboontjies het, en jy neem twee weg,
hoeveel vingers sal jy oor hê?
~~~~~~~~~~~~~~~~~~~~~~~~~~~~~~~
Nog glipse uit CV's, uit Jenny Crompton se boek:
VORIGE ONDERVINDING
o Titel by vorige werkplek: Mnr..
o Geskrewe kommunikasie: 13 jaar. Mondelinge kommunikasie: 16 jaar.
o Ek is heeltemal ervare met McDonald's se spyskaart.
o Werk saam met my pa (bou goed). Werk saam met my ma (huis
skoonmaak).
o Vorige ondervinding: self in diens geneem - 'n fiasko.
o Grootte van huidige werkgewer: baie lank - waarskynlik oor 6ft 5in.
o Ek het 'n wye verskeidenheid van vermoëns en ondervinding, 'n paar wat
ek nie geredelik kan onthou nie.
~~~~~~~~~~~~~~~~~~~~~~~~~~~~~~~~~
HermanH op Facebook:
Wat het 'n vrou en `n handgranaat in gemeen? As jy die ring afhaal is die
huis weg.
~~~~~~~~~~~~~~~~~~~~~~~~~~~~~~~~
Uit ons argief van Januarie 2007:
Van HermanH:
(Oorsese vriende: Durbanville is 'n woonbuurt in die Kaapprovinsie. Daar is
ook 'n stad Durban in Natal)
Die aantreklike jong spraakterapeut vestig haar in die Kaap, waar sy 'n
praktyk begin. Sy het 'n groepie hakkelende jong mans, maar maak nie
eintlik vordering met hulle nie. Uiteindelik besluit sy om 'n ongewone
eksperiment te probeer: Sy kom na die groepsessie met skamele klere aan.
Sy beloof dat as enige van die jongmans in die groep vandag 'n sekere ding
kan regkry, sy hom 'n Franse soen sal gee as beloning. Hy moet die dorp
waar hy gebore is, se naam kan sê sonder om te hakkel. So gesê, so
gemaak. Opgewonde probeer die eerste ou: 'K-k-k-k-k-Kaapstad!' en sink
moedeloos op sy stoel neer. Die tweede ou staan op en sê:
'MmmmmmmMalmesbuRy!' en slaan moedeloos op sy heup. Die derde ou
haal diep asem en sê: 'Durban!' 'Mooi!' sê die spraakterapeut en soen hom
'n volle minuut lank met oorgawe, soos sy beloof het. Toe sy klaar is, vra sy:
'En wat sê jy daarvan?' Waarop hy uitasem antwoord: '.....v-v-v-v-v-ville!'
* * *
Van JohanS:
Dankie tog dat sekere mense 'n kraak het - dit is hulle wat die lig inlaat!
* * *
Van KoosS:
Die meisie loop alleen deur die bos en kom op 'n padda af wat op 'n klip
langs die paadjie sit. Toe sy verbyloop, hoor sy die padda sê: 'As jy my soen
sal ek in 'n prins verander wat vir jou baie geluk sal bring.' Sy tel toe die
padda op en steek hom in haar handsak. 'Haai, wat het van die soen
geword?' skree die padda. 'Nee wat,' antwoord die meisie, 'Voorlopig is ek
heeltemaal tevrede met 'n padda wat kan praat!'
* * *
Van HarrieR:
'Ach, nu zie ik het pas, u heeft een glazen oog.' 'Ja, ik heb er heel wat voor
moeten betalen, maar het is gewoon nep,' verzucht de Belg: 'Ik kan er niks
door zien!'
~~~~~~~~~~~~~~~~~~~~~~~~~~~~~~~~~~~~~~~~~
Wyshede wat in Engels begin met: 'Any man who...', uit verskillende bronne:
* Enigeen wat 'n beersiening het oor die toekoms van hierdie land sal
bankrot speel. - JP Morgan
* Enigeen wat lief is vir sy ma is mans genoeg vir my. - Liedjie deur Sammy
Cahn en Jimmy van Heusen
* Enigeen wat dink hy kan gelukkig en voorspoedig wees deur die regering
vir hom te laat sorg moet liewer mooi kyk na die Amerikaanse Indiane. -
Onbekend
-----------------------------
*** Is jy op Facebook? Sluit gerus aan by ons groep op Facebook:
skoongrappies dot com. Daar is volop humor in Afrikaans en Nederlands.
*** Jy is welkom om gratis van die grappe gebruik te maak in jou
radioprogram, nuusbrief of koerant. Gee net asb. 'n verwysing na
http://skoongrappies.com ;
*** Het jy vriende wat ook van grappe hou? Ons soek nuwe lede. Laat hom
of haar gerus weet om in te teken op http://skoongrappies.com ;
*** Vir skoon humor in Afrikaans en Nederlands, teken in op Griesel se
Graplys! Gaan na http://skoongrappies.com. Jy kan op dieselfde plek jou ;
voorkeure verander (bv. afskakel vir die vakansie) en kyk na vorige uitgawes
van die grapkas.
