Van DouwevdV:
Hans vraagt aan Piet: 'Waar ga je dit jaar naar toe met Pasen?' Piet
antwoordt: 'Naar Zicht.' 'Naar Zicht? Waar ligt dat?' 'Dat weet ik ook
niet, maar in de krant stond: Mooi paasweer in Zicht.'
~~~~~~~~~~~~~~~~~~~~~~~~~~~~~~~~
Van HermanH, uit clean Laffs:
Terwyl ek by 'n marine-voorraadwinkel voorrade koop vir my bootrit, koop ek
ook 'n opblaaskussing. 'Dit was my vrou se idee,' verduidelik ek aan die
verkoopsman by die toonbank. 'Sy sê ek moet dit vir myself koop as 'n
geskenk van haar af.' 'Jy's gelukkig,' sê hy terwyl hy die items opskryf, 'My
vrou sou vir my 'n stuk ketting en 'n sementblok gekoop het.'
~~~~~~~~~~~~~~~~~~~~~~~~~~~~~~~~
Nog 'n Kuga-grappie, van FredS:
Blykbaar gaan Ford SA hulle hoofkantoor vanaf Silverton na Brandfort in die
Vrystaat skuif.
* * *
Uit humoropedia.com:
'n Ingenieur, 'n statiskus en 'n fisikus gaan jag. Hulle sien 'n bok en elkeen
kry 'n beurt om die bok te probeer skiet. Die fisikus kry eerste kans. Hy gryp
sy sakrekenaar en werk vinnig die trajek van die koeël uit asof dit 'n perfekte
sfeer in 'n vakuum is. Sy skoot val egter 20m kort van die bok. Die ingenieur
is tweede. Hy gryp sy notaboek en sy lysie van verskillende projektielbaan
voorspellings. Na 'n paar minute is hy reg, maar sy skoot val 20m anderkant
die bok. Die statiskus spring op en skree, 'Ons het hom!'
~~~~~~~~~~~~~~~~~~~~~~~~~~~~~~~~~
Nog glipse uit CV's, uit www.express.co.uk:
o Die kandidaat het haar voornaam op drie verskillende maniere gespel.
'Hoekom wil jy graag by ons maatskappy werk?'
o Een applikant het vyf minute lank sy vorige baas sleggemaak. Ek het toe
uiteindelik genoem dat die persoon my pa is.
o Toe die kandidaat sy bene kruis het ek opgemerk dat hy nie sokkies dra
nie, maar hy het sy enkels met swart merkpen ingekleur.
'Hoe het jy in die verlede moeilike situasies met kliënte hanteer?'
o Ek het hulle grond toe gestoei.
~~~~~~~~~~~~~~~~~~~~~~~~~~~~~~~
Uit triblive.com, pittige kommentare van verskillende Amerikaanse
presidente:
* Barack Obama, by die 2012-Withuisverslaggewersete: 'Ek het 'n veel
langer toespraak voorberei, maar my veiligheidswagte mag nie laat by die
huis kom nie.'
* George W. Bush, by die 2006-Withuisverslaggewersete: 'Cheney is 'n
goeie man. Hy't 'n goeie hart. (Stilte) Wel, hy's 'n goeie man.'
* Bill Clinton, by die 2000-Withuisverslaggewersete: Gedurende die
afgelope paar maande het ek 10 pond verloor. Waar is hulle heen? Hoe het
hulle op Tim Russert te lande gekom?'
~~~~~~~~~~~~~~~~~~~~~~~~~~~~~~~~
Vers vir Paasfees:
Drie dae was daar duisternis
Alleen,
in diep gelatenheid, soos in die sand
'n suiwer saad wat wag op son en re'en,
het al Sy sterflikheid stil weggebrand:
die swaar en trae slakke van die vlees,
sy onrus, vrees, verwarringe en waan,
dat Hy, een met die Vader en die Gees,
verheerlik in die lig weer op kan staan.
Die wagte kon in daardie gloed nie kyk.
Die steen is afgewentel deur 'n wind
wat uit vier hemelstreke op die aarde stryk
dat dit vergruisel is tot stof en grint,
en soos uit diepe duisternis 'n vlam,
staan hoog en rank en smetteloos die Lam!
- WEG Louw
~~~~~~~~~~~~~~~~~~~~~~~~~~~~~~~~~
Wyshede vir die week:
* Dit is met Paasfees dat Jesus die mees menslike word, en soos alle
mense, faal en misluk Hy ook. Hy is nie 'n almagtige God nie, maar 'n
al-kwesbare God. - Michael Leunig
* Paasfees weerspieël lyding, maar dit weerspieël ook iets anders: Jesus se
wyering om toe te gee aan die mag van die groot owerheid van sy tyd. Daar
is dus twee verhale betrokke. - Michael Leunig
* Aanhaling uit die libretto van The Messiah van Handel, na Afrikaans
vertaal:
Troos, troos, my volk, sê jou God. Praat troostend met Jerusalem, en roep
na haar, dat haar stryd gewonne is, dat haar boosheid vergewe is. Die stem
van hom dat in die wildernis roep: berei die Here se pad voor; maak reguit in
die woestyn 'n grootpad vir ons God. Elke vallei sal opgevul word, en elke
berg en heuwel gelyk gemaak word; die krom paaie reguit en die ongelyk
plekke glad.
------------------------
*** Suid-Afrikaners! Het julle Zuma-grappies vir my? In teksvorm, nie in
prentjies nie.
*** Het jy 'n Facebook-rekening? Sluit gerus aan by ons groep op Facebook:
skoongrappies dot com. Daar is volop humor in Afrikaans en Nederlands.
*** Jy is welkom om gratis van die grappe gebruik te maak in jou
radioprogram, nuusbrief of koerant. Gee net asb. 'n verwysing na
http://skoongrappies.com ;
*** Het jy vriende wat ook van grappe hou? Ons soek nuwe lede. Laat hom
of haar gerus weet om in te teken op http://skoongrappies.com ;
*** Vir skoon humor in Afrikaans en Nederlands, teken in op Griesel se
Graplys! Gaan na http://skoongrappies.com. Jy kan op dieselfde plek jou ;
voorkeure verander (bv. afskakel vir die vakansie) en kyk na vorige uitgawes
van die grapkas.
*** As jy gereeld hierdie grappies aanstuur na jou vriende, vra hulle of hulle
nie sommer self wil inteken nie. Ons soek gedurig nuwe lede.
