Van HermanH
'n Nuwe studie het bevind dat babas so jonk as nege maande die verskil
tussen vriende en vyande kan agterkom. Wat nou die vraag na vore bring:
Watter soort baba van nege maande het vyande? - Jimmy Fallon
~~~~~~~~~~~~~~~~~
Uit Peter Huchthausen se boek 'K19', waarin hy duikbootkaptein Nikolai
Zateyev aanhaal, vertaal:
Een voorbeeld was die berugte voorval by 'n demonstrasie van 'n
kruisermissiel wat die Stille Oseaanvloot vir die Russiese topleierskap
aangebied het, insluitende Khrushchev. Die missiel het na enkele sekondes
in die see teruggeval omdat sy afvuurmotore gefaal het. Ons
hoofbevelvoerder, Admiraal Gorshkov, het Nikita Sergeyevich (Khrushchev)
verseker dat dit nou op koers was - onder die water! Waarop ons staatshoof
in 'n dreunende stem verklaar het: 'Hierdie is goeie wapens wat ons bou,
kamerade!'
~~~~~~~~~~~~~~~~
Van KoosS, uit Lag sonder grense deur Ian Wessels:
Twee afgetrede ooms sit en gesels op Huis Spataar se stoep. Hulle is
ietwat isegrimmig omdat daar skynbaar `n opvatting heers dat afgetrede
mense baie tyd het. 'Almal vra my wat ek deesdae doen noudat ek afgetree
het,' sê die een oom. 'Dan vertel ek vir hulle ek was mos 'n chemiese
ingenieur en die kennis wat ek daar opgedoen het, kom handig te pas in my
nuwe stokperdjie. Dit is ontspannend, bevredigend en vervvullend en ek
geniet dit om dit saam met my vriende te beoefen.' 'Dit klink
interessant,' sê die ander oom. 'Wat behels die stokperdjie?' 'Ek
verander bier, whisky en wyn in urine!'
* * *
Eksamenvraag: "Maak 'n sin waaruit die betekenis van die woord 'tewens'
duidelik blyk." Antwoord: 'Ons hond het drie kleintjies gehad, een reun en
twee tewens.'
* * *
Kinders is baie eerlik, dikwels tot verleentheid van hulle ouers. 'n
Juffrou vra haar kleuterskoolklas hoe weet jy as 'n man en vrou getroud
is. Frikkie se antwoord weerspieël heelwat praktiese ondervinding:
'Juffrou, hulle skree op dieselfde kinders!'
~~~~~~~~~~~~~~~~~
Uit ons argief van September 2011:
Van HermanH, uit Clean Laffs:
(Nederlanders: van = achternaam; ou = vent)
Mej Wisconsin het uitgeval uit die Mej VSA-kompetisie omdat sy beskuldig
is van identiteitsdiefstal. Ja, die hele ding is baie laf. Daar is nou nog
meer onthul: Haar van is selfs ook nie eens Wisconsin nie. - Jimmy Fallon
* * *
Van DouwevdV:
Waarom is het vrijheidsbeeld een vrouw? Het hoofd moest leeg zijn voor de
bezoekers.
* * *
Grafskrifte, uit www.gdargaud.net:
'Ek het jou gesê ek is siek.' - grafsteen van Spike Milligan
(1918-2002), Britse akteur.
* * *
'Vra haar om 'n oomblik te wag - ek is amper klaar.' - Wiskundige Carl
Friedrich Gauss (1777-1855) toe aan hom gesê is sy vrou sterf.
~~~~~~~~~~~~~~~~~
Wyshede aangestuur deur RonaldR:
* Dit neem die meeste mense vyf jaar van 'n universiteitsopleiding te
herstel. - Brooks Atkinson
* Vreemd soos dit mag klink, geleerdheid kan nie onnoselheid genees nie.
Formele onderrig lê dit eerder vas. - Stephen Vizinczey
* Die doel van 'n liberale opvoeding is om jou filosofies genoeg te maak
om te aanvaar dat jy nooit baie geld sal maak nie. - Onbekend
----------------
* Om in te teken op hierdie graplys, gaan na http://skoongrappies.com en
klik op die mannetjie in die middel van die bladsy. Jy kan ook daar
uitteken.
